Նախկին ընկերոջ ընկերուհուն ինքնասպանության հասցնելու մեջ մեղադրվող Անին ազատազրկվեց 6 ամսով
ՊԱՏՄՈՒԹՅԱՆ ԱՅՍ ՕՐԸ
Լոռու մարզում պոռնոգրաֆիկ նյութեր տարածելու եւ նախկին ընկերոջ ընկերուհուն ինքնասպանության հասցնելու մեջ մեղադրվող Անի Բ.-ն դատապարտվել է 6 ամսվա ազատազրկման: Նման որոշում է կայացրել Լոռու մարզի ընդհանուր իրավասության դատարանը:
Քրեական օրենսգրքի 263-րդ հոդվածի 1-ին մասով (Պոռնկագրական նյութեր կամ առարկաներ տարածելը) դատարանը որոշել է Անիին ազատել պատասխանատվությունից ` վաղեմության ժամկետներն անցնելու հիմքով: 110-րդ հոդվածի 1-ին մասով (Ինքնասպանության հասցնելը) Անին մեղավոր է ճանաչվել եւ դատապարտվել 6 ամսվա ազատազրկման:
Ըստ մեղադրական եզրակացության՝ Անի Բ.-ն 2013թ. հուլիսին տարածելու նպատակով պատրաստել է պոռնկագրական բնույթի նյութ: 2013թ. հուլիսից 2014թ. փետրվարն ընկած ժամանակահատվածում Անին պարբերաբար նվաստացրել է նախկին ընկերոջ ընկերուհուն՝ Մ. Ս.-ի անձնական արժանապատվությունը` տեղադրել եւ տարածել է հիշյալ պոռնկագրական բնույթի նյութը: Դրա հետեւանքով վերջինս 2013թ. նոյեմբերի 10-ին` ժամը 19:30-ի սահմաններում, ինքնասպան լինելու նպատակով փորձել է նետվել երրորդ հարկում գտնվող իրենց բնակարանի պատուհանից, սակայն նրան նկատել եւ բռնել է եղբայրը, կանխել ինքնասպանությունը:
Խափանման միջոց է ընտրվել ստորագրություն չհեռանալու մասին:
