ՌԴ ԱԳՆ-ն անդրադարձել է Հայաստանին և Ադրբեջանին
ՔԱՂԱՔԱԿԱՆՈՒԹՅՈՒՆ
Արտաքին ուժերը փորձում են անհամաձայնություն սերմանել Ռուսաստանի և Ադրբեջանի միջև հարաբերություններում, հայտարարել է Ռուսաստանի արտաքին գործերի նախարարության՝ ԱՊՀ երկրների չորրորդ դեպարտամենտի փոխտնօրեն Դմիտրի Մասյուկը։
«Ռուսաստանը համակարգված կերպով բացատրում է իր սկզբունքային դիրքորոշումը իր ադրբեջանցի գործընկերներին՝ Բաքվի հետ հարաբերություններին վնաս հասցնելուց խուսափելու համար», — ասել է նա։
Մասյուկը նաև նշել է, որ Հայաստանը կողմնորոշվում է դեպի Արևմուտք՝ հաճախ ի վնաս իր ազգային շահերի, օրինակ՝ «ՀԱՊԿ-ի հետ համագործակցության սառեցումը»։
«Մենք տեսնում ենք արևմտականների կործանարար ազդեցությունը Հայաստանում: Խորը ցավով արձանագրում ենք, որ այս հարավկովկասյան հանրապետությունը վճռականորեն չի դիմադրում այս փոփոխություններին», – «Կովկասյան երկխոսության» բացմանն ասել է Դմիտրի Մասյուկը:
