95 մարդ է վիրավորվել Իսրայելի հարվածների պատճառով

Իրանի 12 նահանգներում առնվազն 95 մարդ է վիրավորվել  Իսրայելի գիշերային հարվածների հետևանքով, մեկ փրկարար զոհվել է: Այս մասին հայտարարել է Իրանի Կարմիր մահիկի ընկերության ներկայացուցիչ Մոջթաբա Խալիդին:

«Երկրի 12 նահանգներում շարունակվում են փրկարարական գործողությունները: Միջադեպի ժամանակ 95 հայրենակիցներ վիրավորվել են և տեղափոխվել բժշկական կենտրոններ, իսկ 26-ին օգնություն է ցուցաբերվել պատահարի վայրում: Ցավոք, մեր փրկարարներից մեկը զոհվել է Արևելյան Ադրբեջանի նահանգում իրականացված գործողության ընթացքում: Արտակարգ ծառայությունների ևս մեկ  աշխատակից վիրավորվել է Քասր-ե Շիրինի շրջանում և այժմ բուժում է ստանում», - մեջբերում է նրա խոսքը Tasnim գործակալությունը:

Իսրայելական հարվածների հետևանքով զոհվել են նաև Իրանի բարձրաստիճան հրամանատարներ, միջուկային ոլորտի գիտնականներ։ Ըստ տարբեր հրապարակումների՝ կան նաև զոհեր խաղաղ բնակիչների շրջանում, որոնց հստակ թիվը չի նշվում։