162 անօդաչու թռչող սարք՝ մեկ գիշերում․ ինչ է կատարվում ՌԴ-ում

Հունիսի 2-ի գիշերը ՀՕՊ համակարգերը ոչնչացրել են Ուկրաինայից արձակված 162 անօդաչու թռչող սարք։ Այս մասին հայտնել է Պաշտպանության նախարարության մամուլի ծառայությունը։

Ամենամեծ թվով անօդաչու թռչող սարքեր են խփվել Կուրսկի մարզում՝ 57։ Բելգորոդում խփվել է 31, Լիպեցկում՝ 27, Վորոնեժում՝ 16։ Եվս 11 ինքնաթիռ ոչնչացվել է Բրյանսկի և Ռյազանի մարզերում։ Օրյոլի մարզում գրանցվել է 6 անօդաչու թռչող սարք, Ղրիմում՝ 2, իսկ Տամբովի մարզի երկնքում՝ ևս մեկը։

Հարձակման հետևանքով զոհերի կամ վնասների մասին տեղեկություններ չկան։

Նախորդ օրը ուկրաինական անօդաչու թռչող սարքերը հարձակվել են Իրկուտսկի, Մուրմանսկի, Իվանովոյի, Ռյազանի և Ամուրի մարզերի ռազմական օբյեկտների վրա։ Ռուսաստանի Պաշտպանության նախարարության տվյալներով՝ Իրկուտսկի և Մուրմանսկի մարզերում ռազմական օդանավակայանների վրա հարձակումների հետևանքով ինքնաթիռները բռնկվել են։ Դեպքի հետաքննությունը վարում է ռազմական դատախազությունը։

Ուկրաինայի նախագահ Վլադիմիր Զելենսկին հայտարարել է, որ Ուկրաինայի անվտանգության ծառայությունը  հարձակումները նախապատրաստել է ավելի քան մեկուկես տարի։ Նա հավելել է, որ գործողության «գրասենյակը» Ռուսաստանի տարածքում գտնվում է ԱԴԾ տարածաշրջանային ստորաբաժանումներից մեկի կողքին։ Գործողությանը մասնակցած բոլոր անձինք այժմ դուրս են բերվել Ռուսաստանի տարածքից։