ԱՄՆ-ում կոչ են արել անջատել Իլոն Մասկի սուպերհամակարգիչը

ԱՄՆ-ում սևամորթ ակտիվիստները կոչ են արել անջատել գործարար Իլոն Մասկի սուպերհամակարգիչը, այս մասին հայտնել է NBC հեռուստաալիքը՝ հղում անելով կոչի հեղինակներին։

Գունավոր մարդկանց զարգացման ամերիկյան ազգային ասոցիացիան (NAACP) դիմել է Մեմֆիս քաղաքի իշխանություններին՝ կոչ անելով դադարեցնել Colossus սուպերհամակարգչի նախագծի իրականացումը։ Ակտիվիստները կարծում են, որ նախագիծը կարող է աղտոտել մթնոլորտը, ինչը կվնասի քաղաքի հարևան սևամորթ համայնքներին։

Հայտնի է, որ Colossus-ի սեփականատեր xAI ընկերությունը մամուլում սկսել է քննադատվել Մեմֆիսի իր գործարանում մեթանային գազային տուրբինների օգտագործման պատճառով։ Տուրբիններն օգտագործվում են սուպերհամակարգչի էլեկտրաէներգիայի կարիքները բավարարելու համար։ «Մենք կոչ ենք անում ԱՄՆ առողջապահության նախարարությանը անհապաղ միջամտել», - ասել է NAACP-ի ղեկավար Դերիկ Ջոնսոնը։

Իշխանություններին ուղղված իր կոչում NAACP-ն նշել է, որ Մասկի նախագիծը չի համապատասխանում շրջակա միջավայրի չափանիշներին։ Ակտիվիստները կոչ են արել վերահսկել սուպերհամակարգչի աշխատանքի հետևանքները և անհապաղ դադարեցնել դրա աշխատանքը։