Ծնվել է մեծ շանսոնյե Շառլ Ազնավուրը․ պատմության այս օրը (22 մայիս)
ՊԱՏՄՈՒԹՅԱՆ ԱՅՍ ՕՐԸ
ՈՐՈՇ ՏՈՆԵՐ - Կենսաբանական բազմազանության միջազգային օր, Եմեն՝ Եմենյան միացյալ հանրապետության ստեղծման օր, Կիրգիզիա՝ Զինված ուժերի օր։
ՀԱՅԱՍՏԱՆՈՒՄ
1812-ծնվել է հասարակական և կրոնական գործիչ Գաբրիել Այվազյանը։
1907-ծնվել է կոմպոզիտոր Գուրգեն Ալեմշահը։
1918- սարդարապատի ճակատամարտի ժամանակ հայկական ուժերն ամբողջ ճակատով հարձակման են անցել Քյուրաքյանլու - Քյորփալու - Հայի Զեյվա -Ղուրդուղուլի գյուղերի բնագծերից։
1919-կապված հայկական բանակի մուտքի հետ սկսվել է անգլիական ուժերի էվակուացիան Նախիջևանից, որոշվել է թողնել միայն ռազմական ներկայացուցչություն լեյտենանտ Շվիդի ղեկավարությամբ։
1924-ծնվել է մեծ շանսոնյե Շառլ Ազնավուրը։
1929-ծնվել է դերասան Արմեն Խոստիկյանը։
1939-ծնվել է ռազմական գործիչ, Հայաստանի հերոս, գեներալ Արկադի Տեր-Թադևոսյանը՝ Կոմանդոսը։
1950-ծնվել է լեզվաբան Լավրենտի Միրզոյանը։
1957-Մոսկվայի Մեծ թատրոնում տեղի է ունեցել Արամ Խաչատրյանի «Գայանե» բալետի պրեմերան։
1988-Երևանում սկսվել է նստացույց ԼՂՀ-ի շրջկոմի դիմումին ընթացք տալու պահանջով։
2002- Ընդդիմադիր համագործակցությունը (13 ընդդիմադիր քաղաքական կուսակցություններ ու հասարակական կազմակերպություններ) առժամանակ դադարեցրել է «Ա1+» հեռուստաընկերությանը կապուղուց զրկելու առիթով սկսված և աստիճանաբար իշխանափոխության պահանջների վերածված հրապարակային ակցիաները:
2005- Հայաստանի վարչապետ Անդրանիկ Մարգարյանի որդին՝ 27-ամյա Տարոն Մարգարյանն ընտրվել է մայրաքաղաքի Ավանի թաղապետ:
2006-Հայաստանի Ազգային Ժողովի նախագահ Արթուր Բաղդասարյանը հրաժարականի դիմում է ներկայացրել:
2018-որոշվել է, որ պետական բուհերն իրենց բյուջեի 2 տոկոսն այլևս չեն փոխանցի Հայաստանի Երիտասարդական հիմնադրամին:
2021-մայրաքաղաքում ուժեղ փոթորիկը պոկել է կտուրներ, տեղահան արել ծառեր, իսկ Էջմիածին-Զվարթնոց տարածքում նույնիսկ պտտահողմ է եղել: Փոթորիկն ու կարկուտը ոչ միայն հոսանքազրկել են մայրաքաղաքի մի մասը, այլ նաև լուրջ վնասներ հասցրել գյուղատնտեսությանը:
2022-տեղի է ունեցել Հայաստանի Հանրապետության վարչապետ Նիկոլ Փաշինյանի, Եվրոպական խորհրդի նախագահ Շառլ Միշելի և Ադրբեջանի Հանրապետության նախագահ Իլհամ Ալիևի եռակողմ հանդիպումը։
ԱՇԽԱՐՀՈՒՄ
337-վախճանվել է Հռոմի կայսր Կոնստանտին 1-ին Մեծը։
853-Նորվեգիայի թագավորի որդի Օլաֆ Սպիտակն ընդունել է վիկինգների և դանիացիների հպատակությունը Իռլանդիայում և Դուբլինը հայտարարել է մայրաքաղաք։
1455-Սենտ-Օլբանսի առաջին ճակատամարտով սկսվել է Կարմիր և Սպիտակ վարդերի պատերազմը։
1807-ադմիրալ Սենյավինի ղեկավարած Ռուսական կայսրության ռազմա-ծովային նավատորմը ջախջախել է թուրքկան նավատորմին Դարդանելյան ճակատամարտում։
1813-ծնվել է գերմանացի կոմպոզիտոր Ռիխարդ Վագները։
1859-ծնվել է հայտնի անգլիացի գրող, Շերլոկ Հոլմսի կերպարի ստեղծող Արթուր Կոնան Դոյլը։
1868-Ինդիանա նահանգի Մարշվիլդա բնակավայրի մոտ տեղի է ունեցել «Գնացքի մեծ թալանը»։
1879-ծնվել է ուկրաինացի ռազմական և քաղաքական գործիչ Սեմյոն Պետլյուրան։
1885-վախճանվել է ֆրանսիացի գրող Վիկտոր Հյուգոն։
1892-Նյու-Յորքում բժիշկ Վաշինգտոն Շեֆֆիլդն արտոնագրել է ատամի մածուկը։
1900-Նյու-Յորքում հիմնադրվել է «Associated Press» տեղեկատվական գործակալությունը։
1906-Ռայտ եղբայրներն արտոնագրել են իրենց թռչող սարքը՝ ինքնաթիռը։
1926-Իտալիայում Մուսոլլինին արգելել է գեղեցկության մրցույթներն անվանելով նման միջոցառումները անբարոյական։
1950-Չինաստանի կառավարությունը Տիբեթին առաջարկել է տարածքային ինքնավարություն՝ այդ տարածքում կոմունիստական իշխանություն հաստատելու պայմանով։
1960-Հարավային Ամերիկայում տեղի է ունեցել Մեծ չիլիական երկրաշարժը։
2004-մեծ բախում է տեղի ունեցել ոստիկանության և կոկա աճեցնող գյուղացիների միջև Պերուում։
2007-Թուրքիայի Անկարա քաղաքի պատմական կենտրոնում տեղի է ունեցել ահաբեկչական գործողություն, զոհվել են մի քանի մարդ։
2010-Հնդկաստանի Մանգալուրե տարածքում վթարվել է Բոինգ 737 ինքնաթիռը, զոհվել են 158 մարդ։
2020 — Լախոր-Կարաչի թռչող A320 աէրոբուսը վթարվել է Կարաչիում (Պակիստան): Ինքնաթիռը վայրէջքի ժամանակ ընկել է քաղաքի բնակելի տարածքի վրա, արդյունքում ինքնաթիռում գտնվող 99 անձնացից 97-ը զոհվել են, եղել են նաև զոհեր և վիրավորներ գետնի վրա:
Կ․ Խաչիկյան
