ԱՄՆ-ում ուկրաինացի փախստականներին էլեկտրոնային նամակներ են ուղարկել՝ պահանջելով մեկ շաբաթվա ընթացքում լքել երկրի տարածքը

Հումանիտար ծրագրով ԱՄՆ ժամանած ուկրաինացի փախստականներին էլեկտրոնային նամակներ են ուղարկել՝ պահանջելով մեկ շաբաթվա ընթացքում լքել երկրի տարածքը: Այս մասին հայտնում է Reuters գործակալությունը։

Ծանուցման մեջ նշվում է, որ «կարգավիճակը չեղյալ է հայտարարվել, և երկրի տարածքում մնալու փորձի դեպքում դաշնային կառավարությունը կգտնի ապօրինի ներգաղթյալներին և կարտաքսի»:

Ավելի ուշ իշխանությունները հայտնել են, որ նամակները սխալմամբ են ուղարկվել, ծրագիրը, որով ուկրաինացիները եկել են ԱՄՆ, շարունակում է աշխատել։ Թե քանի փախստական է ստացել նման ուղերձ, հայտնի չէ։