BMW-ի նոր մեքենաները կհամալրվեն Alibaba-ի արհեստական ​​բանականության համակարգով

2026 թվականից սկսած Չինաստանում BMW ընկերության նոր սերնդի բոլոր մեքենաները կհամալրվեն չինական Alibaba ինտերնետային հսկայի մշակած արհեստական ​​բանականության համակարգով։ Ընկերությունը հույս ունի դրա օգնությամբ փակել տեղական ավտոարտադրողների հետ  մրցակցությունում ունեցած բացը, գրում է Bild-ը:

Նոր համակարգը կներառի երկու թվային օգնական՝ Car Genius-ը, որը կդառնա յուրատեսակ տեխնիկական «փորձագետ», և Travel Companion-ը՝ նավիգացիայի և զվարճանքի «մասնագետ»: Համակարգը հիմնված է Alibaba-ի Qwen լեզվի մոդելի վրա: Այն կկարողանա ավելի լավ հասկանալ խոսքը, առաջարկել ռեստորաններ, գծագրել երթուղիներ և հարմարվել վարորդի սովորություններին:

«Alibaba-ի հետ մեր համագործակցությունը միասին աճելու օրինակ է: Հիմնական նպատակը չինացի վարորդների համար ավելի խելացի, անվտանգ և անհատականացված ճանապարհորդություն ապահովելն է», - ասել է Չինաստանում BMW -ի նախագահ Շոն Գրինը:

BMW-ի և Alibaba-ի համագործակցությունը սկսվել է դեռևս 2015 թվականին: Այդ ժամանակից ի վեր նրանք միասին աշխատում են թվային լուծումների և մեքենաներում նոր տեխնոլոգիաների ինտեգրման վրա: