ՔՊ-ական պատգամավորները միայն փնովել են Քոչարյանին. նա մեկուսացել է․ «Ժողովուրդ»

«Ժողովուրդ» օրաթերթը գրում է. ««Ժողովուրդ» օրաթերթի աղբյուրների փոխանցմամբ՝ ՔՊ խմբակցության պատգամավոր Անդրանիկ Քոչարյանը մեկուսացել է ՔՊ-ական գործընկերներից:

ՔՊ-ի մեր աղբյուրները հայտնում են, որ հատկապես ԱԺ վերջին նիստերի ընթացքում Քոչարյանը ներկա է եղել բացառապես քվեարկություններին ու արագ հեռացել է:

«Ժողովուրդ» օրաթերթի իրազեկ աղբյուրները նշում են, որ Քոչարյանն անգամ խորհրդարանում չի մնացել. ԱԺ դահլիճից իր աշխատասենյակ է շտապել ու արագ հեռացել խորհրդարանից:

Բանն այն է, որ ԱԺ-ում լրագրողին վիրավորելու դեպքից հետո ՔՊ-ական պատգամավորները միայն փնովել են Քոչարյանին, նախկինի պես չեն հրճվել նրա ասածներից, ինչի հետևանքով Անդրանիկ Քոչարյանը դեպրեսիայի մեջ է ընկել, ու դա է պատճառը, որ այս լիագումար նիստի ժամանակ արհամարհանքով է վերաբերվել բոլորին ու ցույց է տվել, որ նեղսրտած է ՔՊ-ականների վերաբերմունքից»:

Հոդվածն ամբողջությամբ կարող եք կարդալ «Ժողովուրդ» թերթի՝ 29․ 03․ 25 թ համարում։