ԵՄ-ն սկսում է Ռուսաստանի դեմ պատժամիջոցների 17-րդ փաթեթի պատրաստումը
ՄԻՋԱԶԳԱՅԻՆ
Եվրամիությունը սկսել է ձևավորել հակառուսական պատժամիջոցների հաջորդ՝ 17-րդ փաթեթը։ Այս մասին հայտնում է EUObserver պորտալը՝ վկայակոչելով եվրոպացի դիվանագետների։
Պորտալի աղբյուրի համաձայն՝ նոր սահմանափակումների վրա աշխատանքը «սկսվել է, բայց շատ վաղ փուլում է»։
«ԵՄ արտաքին քաղաքականության ծառայությունը և Եվրահանձնաժողովը աշխատում են դրա վրա, և առաջարկները հավանաբար կհայտարարվեն ամռան սկզբին», - ասել է ԵՄ մի դիվանագետ:
Մեկ այլ աղբյուր կասկած է հայտնել ժամանակի վերաբերյալ՝ կապված ուկրաինական հակամարտության կարգավորմանն ուղղված միջազգային ասպարեզում ակտիվացած ջանքերի հետ։
«Այս պահին դա չափազանց սպեկուլյատիվ է, մենք պետք է տեսնենք, թե ինչպես կզարգանան բանակցությունները Ռուսաստանի և Ուկրաինայի միջև», - ասել է նա։
Պորտալը նշել է, որ Հունգարիայի կողմից հնարավոր վետոյի ֆոնին եվրոպական դաշինքը կարող է դժվարությունների հանդիպել պատժամիջոցների նոր փաթեթի շուրջ համաձայնեցնելու հարցում։
Բուդապեշտը կարող է խոչընդոտել նաև Ռուսաստանի դեմ ԵՄ գործող տնտեսական պատժամիջոցների երկարաձգման գործընթացին, որոնք հունվարի վերջին երկարացվել էին 6 ամսով։
