Ուրախալի լուրեր Վատիկանից

Հինգշաբաթ հիվանդանոցում մնալուց հետո Ֆրանցիսկոս պապը վերադարձել է Վատիկան։ Բժիշկների ցուցումներով՝ սկսվում է երկամսյա հանգիստն ու ապաքինումը, գրում է Axios-ը։

88-ամյա պոնտիֆիկոսը փետրվարի 14-ին հոսպիտալացվել է Հռոմի Agostino Gemelli հիվանդանոց՝ բրոնխիտի ախտանիշներով։ Բժշկական զննությամբ հայտնաբերվել է պոլիմանրէային վարակ և երկկողմանի թոքաբորբ։ 

Երեկ, հինգշաբաթյա բուժումից հետո, Հռոմի պապն առաջին ելույթն է ունեցել հանրության առջև. կաթոլիկ հովվապետը հիվանդանոցի պատշգամբից դիմել է հավատավավոր ամբոխին:

Ֆրանցիսկոսի կյանքը «երկու անգամ վտանգի տակ էր», ասվում է հոդվածում։ Այս մասին շաբաթ օրը կայացած մամուլի ասուլիսում հայտնել են նրա բժիշկները։ Բժիշկները նաև շեշտել են, որ նա պետք է խուսափի մարդկանց մեծ խմբերի հետ հանդիպելուց։

«Նրա բժշկական թիմը նաև հաստատել է, որ Հռոմի պապը կշարունակի խոսքի հետ կապված խնդիրներ ունենալ թոքերի և շնչառական մկանների վնասումից հետո», հաղորդում է AP-ն: 

Նա կշարունակի ստանալ լրացուցիչ թթվածին և 24-ժամյա խնամք՝ ըստ անհրաժեշտության, ընդգծել են լրագրողները։

Կիրակի օրը՝ մարտի 23-ին, Ֆրանցիսկոսը դուրս եկավ հիվանդանոցից և գնաց Սուրբ Մարիամի տաճար՝ նախքան Վատիկան մեկնելը։ Հենց այս վայրն էր նա նախապես ընտրել որպես իր ցանկալի թաղման վայր։

Վատիկանի խոսնակ Մատեո Բրունին հրաժարվել է հաստատել Ֆրանցիսկոսի հետ կապված որևէ գալիք իրադարձություն, սակայն պոնտիֆիկոսի անձնական բժիշկը հույս է հայտնել, որ նա բավական լավ կլինի մայիսի վերջին Թուրքիա մեկնելու համար։ Ավելի վաղ հաղորդվել էր նաեւ, որ ապրիլի 8-ին Վատիկանում նախատեսված է հանդիպում Մեծ Բրիտանիայի թագավոր Չարլզ III-ի հետ։