«Ամերիկան այժմ մեծագույն չի լինի», - դեմոկրատները հրապարակայնորեն ողբում են USAID-ը
ՄԻՋԱԶԳԱՅԻՆ
Միացյալ Նահանգները չի կարող բարգավաճել, եթե ակտիվորեն չմիջամտի եվրոպական պետությունների գործերին։ Այս մասին ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովի նիստում հայտարարել է դեմոկրատ կոնգրեսական Բիլ Քիթինգը, գրում է Politnavigator.news-ը։
«Թրամփի վարչակազմն ասել է, որ ցանկանում է Ամերիկան դարձնել ուժեղ, անվտանգ և բարգավաճ: Դա, ըստ էության, ներառում է Ռուսաստանի և Չինաստանի չարագործ ազդեցությանը հակազդելը։ Դրան է ուղղված մեր արտաքին օգնությունը Եվրոպային։ Այնպիսի երկրներ, ինչպիսիք են Մոլդովան, Վրաստանը, Կոսովոն և Հայաստանը, ձգտում են ընդլայնել տնտեսական համագործակցությունը և ԱՄՆ-ի աջակցությունն այդ տարածաշրջաններում ժողովրդավարական գործընթացների ամրապնդման համար:
ԱՄՆ-ը ռուսական հարձակումներից հետո վերականգնում է էներգետիկ ենթակառուցվածքները` թույլ տալով Ուկրաինային հակահարված տալ մարտի դաշտում։ Ցավոք սրտի, այդ ծրագրերից մի քանիսը կրճատվել են USAID–ի ֆինանսավորման կրճատման պատճառով: Թեև վարչակազմն ասում է, որ Ամերիկային առաջին տեղում է դնում, բայց իրականում տարածքներ և ազդեցություն է թողնում Ռուսաստանի, իսկ հիմա էլ Չինաստանի համար», - ցավում նշել է Քիթինգը:
Հիշեցնենք, որ հունվարին Դոնալդ Թրամփը 90 օրով արգելեց ԱՄՆ Միջազգային զարգացման գործակալությանը (USAID) օգնություն տրամադրել այլ երկրներին, ԱՄՆ Պետդեպարտամենտը դադարեցրել է օտարերկրյա օգնության ծրագրերը։ Մարտի 10-ին ԱՄՆ-ը պաշտոնապես չեղարկել է ԱՄՆ ՄԶԳ ծրագրերի 83%-ը։
Նյութը հրապարակման պատրաստեց Կամո Խաչիկյանը
