Ավստրալիայում ջրհեղեղի հետևանքով 250 հազարից ավելի տուն հոսանքազրկվել է

Հորդառատ անձրևների պատճառով առաջացած ջրհեղեղը հեղեղել է Ավստրալիայի արևելյան ափի որոշ շրջաններ՝ հանգեցնելով  քառորդ միլիոնից ավելի տների հոսանքազրկմանը: Այս մասին հայտնում է Ֆրանսպրես  գործակալությունը:

Վատ եղանակի հետևանքով զոհվել է մեկ վարորդ, մեկ տասնյակից ավելի զինծառայող վիրավորվել է։

Ցիկլոնը շարժվել է դեպի երկրի խորքերը, հարյուր հազարավոր մարդիկ կիրակի օրը մնացել են առանց էլեկտրականության: Առավել տուժել են Քվինսլենդի հարավարևելյան և Նոր Հարավային Ուելսի հյուսիսարևելյան շրջանները:

Քվինսլենդ նահանգի վարչապետ Դևիդ Քրիզաֆուլին ասել է, որ 1,000-ից ավելի դպրոցներ, որոնք փակված են ամբողջ նահանգում, աստիճանաբար կվերաբացվեն երկուշաբթի օրը: Կոմունալ ընկերությունները հայտնել են, որ մոտ 268․000 տուն և ձեռնարկություն Քվինսլենդի հարավարևելքում և ևս 12․500-ը Նոր Հարավային Ուելսի հյուսիսարևելքում կիրակի ցերեկը դեռ հոսանքազրկված են եղել։