«YouTube»-ը, «Instagram»-ը և «Facebook»-ը կարող են նորից գործել ՌԴ–ում

Facebook-ի և Instagram-ի սոցիալական ցանցերի արգելքը կապված չէ Մոսկվայի և Վաշինգտոնի հարաբերություններում վստահության հետ, նրանք պետք է հետևեն Ռուսաստանի օրենսդրությանը, լրագրողներին ասել է նախագահի մամուլի քարտուղար Դմիտրի Պեսկովը։

Նա նշել է, որ նույն պահանջը վերաբերում է YouTube ծառայությանը։

Պեսկովը խոստովանել է, որ Meta-ն և այլ արտասահմանյան ընկերությունները կարող են վերադառնալ Ռուսաստան, եթե հետևեն երկրի օրենքներին:

«Այդ ընկերությունները կարող են չսպասել վստահության վերականգնմանը [Ռուսաստանի և ԱՄՆ-ի հարաբերություններում], նրանք պետք է հետևեն օրենքներին և վերադառնան Ռուսաստանի Դաշնություն», - ասել է նա։