«Կրոկուս Սիթի Հոլլ» համալիրում աhաբեկչության հետևանքով հասցված մոտավոր վնասը կազմել է 150-200 միլիոն դոլար

Մերձմոսկովյան Կրասնոգորսկում «Կրոկուս Սիթի Հոլլ» համալիրում տեղի ունեցած ահաբեկչության հետևանքով «Crocus Group»-ին հասցված մոտավոր վնասը կազմել է 150-200 միլիոն դոլար, «ՌԻԱ»-ին ասել է «Agalarov Development» ընկերության նախագահ և «Crocus Group»-ի սեփականատեր Արազ Ագալարովի որդին՝ Էմին Ագալարովը։

Այս ահաբեկչությունն առաջին հերթին վիթխարի ողբերգություն է այն մարդկանց համար, ովքեր տուժել են և կորցրել իրենց հարազատներին, նշել է նա։

Համերգասրահում ահաբեկչությունը տեղի է ունեցել մարտի 22-ին, հարձակվողները ավտոմատ զենքերից կրակ են բացել շենքում եղած մարդկանց ուղղությամբ և այրել դահլիճը։ Մահացել է 145 մարդ։