Օրվա բաղադրատոմս. Շոկոլադե տորթ-պաղպաղակ
ՖՈՏՈ
Բաղադրիչներ
- պաղպաղակ - 500 գր
- թխվածքաբլիթ - 200 գր (շոկոլադե)
- կարագ - 50-70 գր
- նուշ - ըստ ճաշակի (կամ պնդուկ)
- Ջնարակի համար՝
- կակաո - 100 գր (կամ շոկոլադ)
- խտացրած կաթ - 100 գր
- շաքարավազ - 1 ճ/գդ
- վանիլին - 2 պտղունց
- կարագ - 1 ճ/գդ
Պատրաստման եղանակ
- Թխվածքաբլիթները բլենդերով մանրացնում ենք: Կարագը հալեցնում ենք, լցնում թխվածքաբլիթների վրա և խառնում ենք:
Զանգվածը լցնում ենք ձևամանի մեջ, ձեռքերով տարածում և 20 րոպեով տեղափոխում սառնարան:
- Լցնում ենք պաղպաղակն ու հավասարեցնում: 2-4 ժամով տեղափոխում ենք սառցախցիկ:
- Պատրաստում ենք ջնարակը: Կակաոն, շաքարավազը խառնում ենք, ավելացնում խտացրած կաթը: Դնում ենք կրակին և անընդհատ խառնելով՝ ավելացնում կարագն ու վանիլինը: Ջնարակը լցնում ենք պաղպաղակի վրա և տարածում: Կրկին 30-40 րոպեով տեղափոխում ենք սառցախցիկ:
- Մատուցելուց առաջ պաղպաղակի վրա մանրացրած նուշ կամ պնդուկ ենք լցնում:
- Ահա և վերջ:
Համեղ ու յուրօրինակ պաղպաղակ 
