Թրամփը ասել է՝ ով է ԱՄՆ թշնամին

ԱՄՆ նախագահ Դոնալդ Թրամփը Ֆլորիդայում իր Մար-ա-Լագոյի կալվածքում նոր գործադիր հրամաններ ստորագրելիս մամուլի ասուլիսի ժամանակ Վենեսուելային անվանել է Միացյալ Նահանգների թշնամի։ Այս մասին հայտնում է RBC-ն։

Թրամփը հիշեցրել է՝ իր առաջին նախագահական ժամկետում նա պատժամիջոցներ է սահմանել Կարակասի դեմ, սակայն ԱՄՆ նախկին նախագահ Ջո Բայդենի վարչակազմը «սկսել է միլիարդավոր դոլարների նավթ գնել Վենեսուելայից»։

«Ինչո՞ւ նրանք դիմեցին թշնամուն ու նրան միլիարդավոր ու միլիարդավոր դոլարներ տվեցին» դժգոհել է Թրամփը։

Հանրապետականը հավելել է, որ ԱՄՆ-ն ունի բավականաչափ նավթի պաշարներ, և նման գործարքների կարիք չկա։