Հարձակման է ենթարկվել Վրաստանի նախկին վարչապետը

Օդանավակայանում հարձակման է ենթարկվել Վրաստանի նախկին վարչապետ, «Հանուն Վրաստանի» ընդդիմադիր կուսակցության առաջնորդ Գիորգի Գախարիան։

Թբիլիսիի միջազգային օդանավակայանում մի խումբ երիտասարդներ նրան դիմավորել են վիրավորական բղավոցներով ու ձվեր նետել նրա վրա։
Միջադեպի կադրերը տարածվել են սոցիալական ցանցերում և լրատվամիջոցներում:

«Հանուն Վրաստանի» կուսակցությունը հայտարարության մեջ նշել է, որ միջադեպը տեղի է ունեցել այն ժամանակ, երբ Գախարիան վերադառնում էր Մյունխենի անվտանգության համաժողովից։ Կուսակցությունը պնդում է, որ միջադեպը կազմակերպվել է իշխող կուսակցության կողմից և ոստիկանությանը մեղադրում է անգործության մեջ: