Ռուսաստանում Հայրենական մեծ պատերազմից մնացած նռնակ են գտել
ՎԻԴԵՈ
ՌԴ Տուապսեի շրջանում զբոսաշրջիկը լեռներում զբոսնելիս՝ գտել է Հայրենական մեծ պատերազմի զինամթերք։ Այն ոչնչացվել է Ռուսաստանի ազգային գվարդիայի ռումբերի ոչնչացման փորձագետների կողմից։ Այս մասին հայտնում է գերատեսչության մամուլի ծառայությունը, գրում է Gazeta-ն։
Կրասնոդարի բնակիչը Տուապսեի շրջանի Գոյտխ լեռնանցքի մոտ քայլելիս է եղել լեռնային արահետով, երբ նկատել է տարօրինակ առարկա, որը գտնվել է ծառի արմատներում։ Տղամարդը կարծել է, որ իր գտածոն նման է զինամթերքի, ուստի դիմել է իրավապահներին։ Ռոսգվարդիայի մասնագետները հաստատել են զբոսաշրջիկի ենթադրությունը. նա գտել է խորհրդային ձեռքի նռնակ։
«Ազգային գվարդիան վտանգավոր գտածոն ոչնչացրել է լեռնային և անտառապատ տարածքում՝ պահպանելով անվտանգության բոլոր միջոցները»,- նշել են վարչությունից։
Իրավապահները շնորհակալություն են հայտնել զբոսաշրջիկին զգոնության համար։
