«Անվախ եմ, չեմ վախենում կորցնել ոչինչ». Ելենա Բորիսենկո
ՖՈՏՈ
«Անվախ եմ, չեմ վախենում կորցնել ոչինչ: Ընկերուհիս ասում էր՝ մի ասա այդպես, չես վախենու՞մ ամենահարազատին, ամենաթանկին կորցնել: Չեմ վախենում, որովհետև երբ վախենում ես, կորցնում ես:
Չկա վաղը, կա այսօր: Ասում են՝ վաղը լավ կլինի, չէ՛, այսօր պիտի լավ լինի: Այսօր այդ լավը դու պիտի ստեղծես և ունենաս: Հենց թողնում ես վաղվան, այդ վաղվա օրն այդպես էլ չի գալիս:
Ամեն ինչի հիմքը սերն է, իսկ սերը դա Աստված է: Երբ դու դա ունես, դու ունես ամեն ինչ: Դու ունես ընտանիք, կարևոր չէ դու ունես ամուսին, թե՝ ոչ. ունես ընտանիք, ընկերներ, սիրած աշխատանք, ամեն ինչի հիմքը դա է: Բայց դա իմ ճշմարտությունն է, ես իմ ճշմարտությունը չեմ ուզում պարտադրել որևէ մեկին: Դա զուտ իմն է: Ես այդպիսինն եմ և ուզում եմ այդպես ապրել»,- «Կյանքի ուղիներով» հաղորդման շրջանակներում ասել է դերասանուհի Ելենա Բորիսենկոն:
