Ալտադենայի բնակչուհի Դանիել Ուիլյամսն ասում է, որ «Իթոն» հրդեհի պատճառով կորցրել է ամեն ինչ, և այժմ իրենն են միայն իր հագին եղած հագուստն ու կատուները:
Տունն ամբողջովին հրկիզվել է։
«Ամբողջ բակը հրդեհվել է։ Նրանք դեռ շատ հրդեհներ են մարում այնտեղ: Ցավոք սրտի, թաղամասում թալան է սկսվել, ինչը ևս մեկ խնդիր է»,- ասել է նա:
Այդ շրջանում բոլորը կորցրել են իրենց տունը:
19-ամյա Հենք Դոնովանն պատմում է, որ իր հարևանությամբ գտնվող տների ողջ շարքը կրակի բաժին է դարձել. «Այնտեղ ապրել եմ յոթ տարեկանից։ Յոթ ընկերներ ենք, բոլորս նույն տարիքի: Միմյանց ընտանիք ենք համարում: Ավագ դպրոցը մեզ չի բաժանել, քոլեջը մեզ չի բաժանել, թվում է՝ կրակը միակ բանն է, որը կարող է բաժանել մեզ»։
