Վատ գիշեր էր, մենք վրդովված ենք, ինչպես և մեր բոլոր երկրպագուները. մենք հիասթափված ենք․ Անչելոտի

«Ռեալի» գլխավոր մարզիչ Կարլո Անչելոտին դժգոհ է «Ռեալի» ելույթից «Բարսելոնայի» դեմ հանդիպմանը (2-5)։

«Վատ գիշեր էր, մենք վրդովված ենք, ինչպես և մեր բոլոր երկրպագուները: Մենք հիասթափված ենք, դա թաքցնելու իմաստ չկա, բայց դա ֆուտբոլ է։ Երբեմն հաղթում ես, երբեմն պետք է դասեր քաղել պարտությունից։ Պետք է առաջ նայել, այսքանը:

Մենք վատ էինք պաշտպանվում, և դա նորից չար կատակ ստացվեց: Մրցակիցը գոլ խփելու հեշտ ուղիներ էր գտել։ Մենք վատ էինք պաշտպանվում ինչպես բարձր պրեսինգի, այնպես էլ ցածր բլոկների ժամանակ:

Ընդմիջմանը ես ֆուտբոլիստներին ասացի, որ մենք պետք է սկսենք ֆուտբոլ խաղալ, քանի որ առաջին խաղակեսում դա չարեցինք, հեռահար փոխանցումներ կատարեցինք, բայց ծրագիրն այլ էր: Ես ասացի, որ հնարավոր է պարտվել հանդիպումներում, բայց ոչ այնպես, ինչպես խաղացինք առաջին խաղակեսում։ Իսկ Մբապեն լավագույնն էր»,- մեջբերում է Մադրիդի «Ռեալի» գլխավոր մարզիչին Marca-ն։