ՀՀ ո՞ր մարզերում են գրանցվել ամենաշատ հանցագործության դեպքերը

2024 թվականի հունվար-հոկտեմբեր ամիսների դրությամբ ՀՀ-ում տեղի ունեցած հանցագործությունների թիվը կազմել է 31.320։

Հետաքրքիր է, թե ՀՀ-ի ո՞ր մարզերում են եղել ամենաշատ հանցագործության դեպքերը։

ArmLur.am-ը ներկայացնում է այն 3 մարզերը, որտեղ հանցագործության ամենաշատ դեպքերն են գրանցվել։

Ըստ վիճակագրական կոմիտեի տվյալների՝ ՀՀ Արմավիրի մարզում 2024 թվականի հունվար-հոկտեմբեր ամիսներին գրանցվել է 2677 դեպք, որից ոչ մեծ ծանրության են 1527-ը։ Գրանցված հսնցագործության դեպքերից միջին ծանրության են 725-ը, ծանր՝ 364-ը և առանձնապես ծանր՝ 61-ը։

ՀՀ Կոտայքի մարզում 2024 թվականի հունվար-հոկտեմբեր ամիսներին գրանցվել է 2589 հանցագործության դեպք, որից 1508-ը՝ ոչ մեծ ծանրության, 800-ը՝ միջին ծանրության, 251-ը՝ ծանր, իսկ 30-ը՝ առանձնապես ծանր։

Շիրակի մարզում ևս գրանցվել են հանցագործության դեպքեր, որոնք կազմել են 2283-ը։ Գրանցված հանցագործություններից 1154-ը ոչ մեծ ծանրության են, 676-ը՝ միջին ծանրության, 390-ը՝ ծանր, իսկ 63-ը՝ առանձնապես ծանր։