Քաղաքացին հայտնել է բնակարանում գտնվող զարդատուփից անհետացած 2,5 մլն դրամի ոսկյա զարդերի մասին

Հունվարի 5-ին՝ ժամը 15։05-ի սահմաններում, ՀՀ ներքին գործերի նախարարության ոստիկանության քրեական ոստիկանության գլխավոր վարչության Երևան քաղաքի վարչություն է զանգահարել Երևանի բնակիչ 40-ամյան Սաթենիկ Պ․-ն և հայտնել, որ 2024 թ. օգոստոսի սկզբից մինչև հունվարի 5-ն ընկած ժամանակահատվածում իրեն անհայտ հանգամանքներում իրենց բնակարանում գտնվող զարդատուփից անհետացել են 2 մլն 500 հազար դրամի համարժեք ոսկյա զարդեր:

Ինչպես հայտնում է Shamshyan.com-ը, մեկնել են ՀՀ ՆԳՆ ոստիկանության քրեական ոստիկանության գլխավոր վարչության Երևան քաղաքի վարչության ծառայողները, որտեղ Սաթենիկ Պ․-ն ներկայացրել է գողության դեպքի մանրամասները։

Դեպքի փաստով փաստաթղթեր են կազմվել, որոնք փոխանցվել են ՀՀ քննչական կոմիտեի Երևան քաղաքի քննչական վարչության Աջափնյակ և Դավիթաշեն վարչական շրջանների քննչական բաժին:

Կայքի տեղեկություններով՝ Սաթենիկ Պ․-ն աշխատում է «Երեմյան Փրոջեքթս» ՍՊԸ-ում՝ որպես առաքման բաժնի համակարգող։