Ադրբեջանը Ֆրանսիայի դեմ. դիվանագիտական հակամաարտության սրացում Անդրկովկասում
ՄԻՋԱԶԳԱՅԻՆ
Ֆրանսիան և Ադրբեջանը հայտնվել են դիվանագիտական հակամարտության կենտրոնում: Ֆրանսիայի նախագահ Մակրոնը մեղադրել է Ադրբեջանին ագրեսիայի մեջ, ինչին Բաքուն պատասխանել է դրան ընդգծելով իր չներգրավվածությունը Ֆրանսիայի անդրծովյան տարածքների խնդիրներին և դատապարտելով Հայաստանի ռևանշիստական տրամադրությունները, գրում է tsargrad.tv-ն։
Ֆրանսիայի նախագահ Էմանուել Մակրոնը հանդես գալով ավանդական ելույթով դեսպանների առջև Ադրբեջանին մեղադրել է անդրծովյան տարածքների, հատկապես Նոր Կալեդոնիայի շրջանում ագրեսիայի մեջ։ Մակրոնն անդրադարձել է նաև Հարավային Կովկասի խնդիրներին ասելով. «Փարիզը պաշտպանում է միջազգային իրավունքը և Հայաստանը»։
Այդ կապակցությամբ Ադրբեջանի արտաքին գործերի նախարարության մամուլի քարտուղար Այխան Հաջիզադեն խստորեն դատապարտել է Ֆրանսիայի հայտարարությունները։ «Ֆրանսիայի նախագահի հերթական անհիմն պնդումներն Ադրբեջանի դեմ և իրականությունը խեղաթյուրող սադրիչ հայտարարություններն անընդունելի են, մենք կտրականապես դատապարտում ենք այդ սադրանքները, որոնք կասկածի տակ են դնում Ադրբեջանի ինքնիշխանությունը և նպաստում են Հայաստանում ռևանշիստական տրամադրություններին, բացի դա չնայած տարածաշրջանում խաղաղության համար ձևավորվող իրական պայմաններին ֆրանսիան զինում է Հայաստանին»,- ընդգծել է Հաջիզադեն։
Հաջիզադեն նաև նշել է, որ Ֆրանսիան, որը հավակնում է պաշտպանել միջազգային իրավունքը, երբեք չի քննադատել Հայաստանի կողմից միջազգային իրավունքի նորմերի և սկզբունքների խախտումները, էթնիկ զտումների քաղաքականությունը, ջարդերն ու մարդկության դեմ ուղղված հանցագործությունները։ «Մենք ֆրանսիական կողմին հիշեցնում ենք, որ միջազգային իրավունքի շրջանակներում Ադրբեջանի իրականացրած արդար պատերազմն իր ինքնիշխան տարածքների վրա ուղղված էր բացառապես Հայաստանի կողմից օկուպացիային դադարեցնելուն»,- ասել է նա։
Բացի այդ, Հաջիզադեն ընդգծել է, որ Փարիզի նեոգաղութատիրական քաղաքականության շրջանակներում Ֆրանսիայի անդրծովյան տարածքներում Ադրբեջանին վերագրվող մեղադրանքների փորձերը վկայում են Ֆրանսիայի արտաքին քաղաքականության սխալ ընթացքի մասին։ «Այլ երկրներին մեղադրելու փոխարեն Ֆրանսիան պետք է դասեր քաղի իր սխալներից, մենք ակնկալում ենք, որ Ֆրանսիան կդադարեցնի գործողությունները, որոնք չեն նպաստում խաղաղությանը և խաթարում են կայունությունը տարածաշրջանում», - եզրափակել է նա։
Նյութը հրապարակման պատրաստեց Կամո Խաչիկյանը
