Տոտենհեմը պայմանագիր է կնքել Չեխիայի հավաքականի նախկին դարպասապահի որդու հետ

Չեխ դարպասապահ Անտոնին Կինսկին տեղափոխվել է «Տոտենհեմ»:

Լոնդոնյան ակումբը հայտարարել է դարպասապահի հետ մինչև 2031 թվականը պայմանագիր կնքելու մասին։

21-ամյա ֆուտբոլիստը, որը նախկինում հանդես է եկել Պրահայի «Սլավիայում», Չեխիայի հավաքականի և ռուսական «Սատուրն» ակումբի դարպասապահ Անտոնին Կինսկիի որդին է։

Ըստ բրիտանական լրատվամիջոցների՝ տրանսֆերի գումարը կազմել է 12,5 մլն ֆունտ ստեռլինգ՝ գումարած բոնուսները։

Այս մրցաշրջանում Կինսկին «Սլավիայի» կազմում անցկացրել է 29 հանդիպում՝ դարպասն անառիկ պահելով 14 խաղում։