Վրաստանը արտաքսում է բողոքի ցույցերին մասնակցած 25 օտարերկրացու․ ԶԼՄ

Վրաստանի ՆԳՆ-ը սկսել է անցած տարվա նոյեմբեր-դեկտեմբերին բողոքի ցույցերին մասնակցած օտարերկրյա երկրների 25 քաղաքացիների երկրից արտաքսման ընթացակարգերը։ Այս մասին հայտնում է նախարարության մամուլի ծառայությունը, փոխանցում է Euromedia24-ը։

 

«Ներքին գործերի նախարարության միգրացիոն վարչությունը սկսել է արտաքսման ընթացակարգը, կան օտարերկրյա քաղաքացիներ, ովքեր մասնակցել են նոյեմբեր-դեկտեմբեր ամիսներին Թբիլիսիում տեղի ունեցած բողոքի ցույցերին, որոնց նկատմամբ դատարանը տարբեր վարչական պատժամիջոցներ է կիրառել․ անձինք, որոնցից 10 օտարերկրյա քաղաքացիներ են, արդեն լքել են Վրաստանի տարածքը»,- ասվում է հաղորդագրության մեջ։

 

Ինչպես նշում է գերատեսչությունը, ընդհանուր առմամբ, 2024 թվականի նոյեմբեր-դեկտեմբերին հանրապետությունից վտարվել է 91 օտարերկրացի, որոնցից ոմանք ինքնակամ լքել են Վրաստանը։ Նրանց թվում են Իրանի, Ալժիրի, Հնդկաստանի, Մարոկկոյի, Շրի Լանկայի, Եգիպտոսի, Պակիստանի, Նիգերիայի, Իրաքի, Թուրքիայի, Ադրբեջանի, Ռուսաստանի, Թուրքմենստանի և այլ երկրների քաղաքացիներ։