Գիտնականներ․ գազավորված ըմպելիքների օգտագործումը փոքրացնում է ուղեղը

Գազավորված ըմպելիքները չարաշահողների մոտ կարող է առաջանալ հիշողության հետ կապված խնդիրներ։ Բացի այդ, գիտնականները նաև բացահայտել են, որ նրանց մոտ ուղեղն ավելի փոքր է, քան նարնց մոտ, ովքեր տարված չեն գազավորված ըմպելիքներով։Այս մասին է վկայում վերջերս կատարված հետազոտությունը, որը հրապարակվել է «Stroke» և «Alzheimer's&Dementia» ամսագրերում։

 

Պարզվում է, որ այն մարդիկ, ովքեր ամեն օր օգտագործում են գազավորված ըմպելիքներ, նրանց մոտ 3 անգամ ավելի մեծ է ինսուլտի ու ծերունական տկարամտության հավանականությունը։ 

Հետազոտությանը մասնակցել է 45 տարեկանից բարձր 4300 մարդ։ Հետազոտության համար նրանց շրջանում 7 տարվա ընթացքում 3 անգամ հարցում է կատարվել։ Հետազոտության արդյունքները թույլ են տվել եզրակացնել, որ առկա է կապ գազավորված ըմպելիքների ու ինսուլտի և տկարամտության միջև։

 

Այս նույն գիտնականների մեկ այլ հետազոտությունն էլ պարզել է, որ գազավորված ըմպելիքները փոքրացնում են ուղեղի ծավալն ու վատացնում հիշողությունը։