Պուտինը դիմել է ռուսներին

Նախագահ Վլադիմիր Պուտինը ամանորյա ուղերձ է հղել ռուսներին, գուրմ է РИА Новости-ն։

Պետության ղեկավարը նշել է, որ Ռուսաստանը կարողացել է պատասխանել ամենադժվար մարտահրավերներին անցած տարում։ Նրա խոսքով, դեռ շատ բան կա որոշելու, բայց իրավամբ կարելի է հպարտանալ արդեն արվածով։

«Հիմա, նոր տարվա շեմին, մենք մտածում ենք ապագայի մասին, վստահ ենք, որ ամեն ինչ լավ է լինելու։ Գնալու ենք միայն առաջ», – ասել է նախագահը։

Պուտինը նաև դիմել է զինվորականներին՝ նշելով, որ իրենց հարազատների ու ընկերների, միլիոնավոր մարդկանց մտքերն ու հույսերը ամբողջ երկրում այժմ իրենց հետ են։ Նա նրանց իսկական հերոսներ է անվանել, որոնց խիզախությամբ հպարտանում է Ռուսաստանը։

Երկրի ղեկավարը հիշեցրել է, որ հաջորդ տարի կնշվի Հաղթանակի 80-ամյակը։ Նա հավելել է, որ 2025 թվականը Ռուսաստանում հայտարարվել է որպես Հայրենիքի պաշտպանի տարի։

«Մենք՝ նացիզմը ջախջախած սերնդի զավակներս, թոռներն ու ծոռները, հավատարիմ ենք մեր վետերանների ուխտերին ու ավանդույթներին»,- ընդգծել է ՌԴ նախագահը։

Նախագահի խոսքով՝ ռուսները մեկ անգամ չէ, որ հաղթահարել են մարտահրավերները, քանի որ միասին են եղել։

Պուտինի ուղերձը առաջինը տեսել են Կամչատկայի ու Չուկոտկայի բնակիչները, ովքեր արդեն նշել են Նոր տարին։ Մոսկվայի հետ ժամային տարբերությունը ինը ժամ է։