Զինվորների նկարները պղծած կնոջ գործով որոշում կայացվեց
ՀԱՍԱՐԱԿՈՒԹՅՈՒՆՊուշկինի 43 հասցեում գտնվող պատին զինծառայողների գրաֆիտե նկարները պղծելու մասով՝ մեղադրանքը ՔՕ 297-րդ հոդվածի 1-ին մասով, գործը ուղարկվել է դատարան։
Ինչպես հայտնի է, Պուշկինի 43 հասցեում զինվորների նկարները պղծած կնոջ գործը դատարանում է։
Ավելի վաղ ArmLur.am-ին հայտնի էր դարձել, թե Պուշկինի 43 հասցեում զինվորների նկարները պղծած կինը ինչ է պատմել իրավապահներին, ինչու է գնացել այդ քայլին:
ArmLur.am-ին հասած տեղեկությունների համաձայն՝ նա իրավապահներին խոստովանել է, որ անձամբ ինքն է գնացել այդ քայլին:
Նա պատմել է, որ ամեն օր անցնում է Պուշկինի 43 հասցեի տարածքում ու մշտապես տեսնում այդ նկարները։ Իրեն զայրացրել է, որ խոսում են մաքուր Երևանի մասին, ու որոշել է 44-օրյա պատերազմի զինվորների նկարների կողքի գրառումները մաքրել ու այդ պահին նաեւ նրանց նկարներն է մաքրել:
Հիշեցնենք, որ ՀՀ ՆԳՆ-ն հայտնել էր, որ Երևանի Պուշկինի փողոցի շենքերից մեկին պատկերված 44-օրյա պատերազմի մասնակիցների դիմանկարները ներկած կնոջը ձերբակալել են։ Խուլիգանություն կատարելու կասկածանքով բերման է ենթարկվել Երևանի բնակիչ, 61-ամյա Հասմիկ Գ.-ն։ Ձերբակալվածը և կազմված փաստաթղթերը կներկայացվեն Քննչական կոմիտե։ 61-ամյա Հասմիկ Գրիգորյանը Վալերի Բրյուսովի անվան պետական համալսարանի նախկին դասախոս է:
