Զելենսկին մերժել է Թրամփի՝ անհապաղ հրադադարի կոչը

Ուկրաինայի նախագահ Վլադիմիր Զելենսկին իր տելեգրամյան ալիքում մերժել է ԱՄՆ նորընտիր նախագահ Դոնալդ Թրամփի՝ ռազմաճակատում անհապաղ հրադադարի մասին կոչը, հաղորդում է Gazeta.ru–ն։

«Առանց երաշխիքների հրադադարը կարող է վերսկսվել ցանկացած պահի…»,- գրել է նա։

Նրա խոսքով՝ երաշխավորելու համար, որ այլևս կորուստներ չեն լինի, անհրաժեշտ է «երաշխավորել խաղաղության հուսալիությունը»։

Նա նաև առանց մեկնաբանության է թողել «Ռուսաստանի հետ գործարքի» իր պատրաստակամության մասին պնդումները, որի մասին ևս հայտարարել էր Թրամփը։ Ընդ որում, Ուկրաինայի նախագահը կրկնել է, որ չի ընդունում խաղաղության համաձայնագրերն առանց Ուկրաինայի համար անվտանգության երաշխիքների։