Գիշերը ՌԴ ՀՕՊ-ը ոչնչացրել է ուկրաինական 46 անօդաչու թռչող սարք. ՌԴ ՊՆ
ՀԱՍԱՐԱԿՈՒԹՅՈՒՆ
Ռուսական ՀՕՊ-ի հերթապահ միջոցներն անցած գիշերվա ընթացքում ոչնչացրել են ուկրաինական 46 անօդաչու թռչող սարք, տեղեկացնում է Ռուսաստանի Պաշտպանության նախարարությունը։
Հաղորդագրության մեջ, մասնավորապես, ասված է. «Անցած գիշերվա ընթացքում կանխվել են Կիևի ռեժիմի ՌԴ տարածքում գտնվող օբյեկտների վրա ինքնաթիռային տիպի ԱԹՍ-ներով ահաբեկչական հարձակումներ իրականացնելու փորձերը։ ՀՕՊ-ի հերթապահ միջոցները որսացել և ոչնչացրել են ուկրաինական 46 անօդաչու թռչող սարք»։
Բացի այդ՝ նշվում է նաև, որ դրանցից 17-ը ոչնչացվել են Բելգորոդի, 12-ը՝ Կուրսկի, 6-ը՝ Վորոնեժի, 7-ը՝ Ռոստովի, 4-ը՝ Աստրախանի մարզերի օդային տարածքում:
