Լարսը հատելուն սպասող հայկական բեռնատարների թիվը հասել է 1,057-ի

Ռուս-վրացական սահմանին գտնվող «Վերին Լարս» անցակետի մոտ ավելի քան 1,000 հայկական բեռնատար կա կուտակված։ Այս մասին տեղեկանում ենք Հյուսիսային Օսեթիայի ճանապարհային երթևեկության կազմակերպման կենտրոնից։

Մցխեթա-Ստեփանծմինդա-Լարս միջազգային նշանակության ավտոմոբիլային ճանապարհը բաց է բոլոր տրանսպորտային միջոցների համար, բայց խցանումները չեն վերանում։

Այս պահի դրությամբ անցակետը հատելու համար 3,608 տրանսպորտային միջոց է հերթագրված, որոնցից 1,057-ը հայկական են։