Հայտնի է Լա լիգայի ամսվա լավագույն ֆուտբոլիստը

Մադրիդի «Ռեալի» վինգեր Վինիսիուս Ժունիորը ճանաչվել է Իսպանիայի Լա Լիգայի նոյեմբերի լավագույն ֆուտբոլիստ։

Այս մասին հայտնում է մրցաշարի մամուլի ծառայությունը:

Այս ամիս բրազիլացի ֆուտբոլիստը մասնակցել է Իսպանիայի առաջնության երկու հանդիպման, որոնցում դարձել է երեք գոլի և մեկ գոլային փոխանցման հեղինակ։

Ընդհանուր առմամբ, այս մրցաշրջանում Վինիսիուսը բոլոր մրցաշարերում անցկացրել է 18 հանդիպում՝ դառնալով 12 գոլի և 8 գոլային փոխանցման հեղինակ։