«Ռոստեխ»-ն արդեն կարող է ցանկացած տանկ, հետևակի մարտական մեքենա և զրահափոխադրիչ վերածել մարտական ռոբոտի
ՄԻՋԱԶԳԱՅԻՆ
«Ռոստեխ»-ն արդեն իր տրամադրության տակ ունի այն ամենը, ինչ անհրաժեշտ է ցանկացած տանկ, հետևակի մարտական մեքենա և զրահափոխադրիչ հեռակառավարվող ռոբոտային մեքենայի վերածելու համար։ Այս մասին ՏԱՍՍ-ին տված հարցազրույցում հայտարարել է «Ռոստեխ» պետական կորպորացիայի սպառազինության, զինամթերքի և հատուկ քիմիական համալիրի արդյունաբերական տնօրեն Բեխան Օզդոևը, գրում է ixbt.com-ը։
«Մենք լուրջ հնարավորություններ ունենք մշակելու ծրագրային և ապարատային համակարգեր, որոնք թույլ են տալիս մեզ ցանկացած տանկ, հետևակի մարտական մեքենա կամ զրահափոխադրիչ վերածել հեռակառավարվող ռոբոտային մեքենայի: Օրինակ է High-Precision Complexes հոլդինգային ընկերության «Պրոմեթևս» ծրագրային-ապարատային համալիրը։ Եթե այն համատեղեք կրակի կառավարման խոստումնալից համակարգերի հետ, կստանաք մարտական ռոբոտ՝ բառի ամբողջական իմաստով»,- պարզաբանել է Բեխան Օզդոևը:
Նյութը հրապարակման պատրաստեց Կամո Խաչիկյանը
