Հնարավո՞ր է ռուսական «Օրեշնիկ» հրթիռը խոցել
ՄԻՋԱԶԳԱՅԻՆ
Ավիացիոն փորձագետ և վերլուծաբան Կոնստանտին Կրիվոլապը «Espresso»-ին պատմել է, թե արդյո՞ք կան հակահրթիռային պաշտպանության համակարգեր, որոնք կարող են խոցել ռուսական «Օրեշնիկ» բալիստիկ հրթիռը, գրում է unian.net-ը։
«Նույնիսկ ամերիկյան ամենահզոր անշարժ հակահրթիռային պաշտպանության GMD-ն ունի հրթիռներ, որոնք կարող են խոցել միջմայրցամաքային բալիստիկ հրթիռները միայն 55-60 % հավանականությամբ, դրանք խոցվում են թռիչքի ամենաբարձր հետագծի ժամանակ, այսինքն տիեզերքում՝ 100-200 կիլոմետր բարձրության վրա»,- նկատել է նա։ Փորձագետի խոսքով բացի ամերիկյան հզոր THAAD համակարգից, կա նաև իսրայելական մշակում, որը որոշակիորեն նման է այդ զենքին։ Նա նաև ասել է, որ կան մի քանի այլ համակարգեր, որոնք կարող են օգնել Ուկրաինային հակազդել «Օրեշնիկ»-ին։ «Կա Aegis համակարգը, նույնպես ամերիկյան, նավերի վրա հիմնված, այն նույնպես տպավորիչ է, կա նաև իսրայելական Strelets-3-ը, այն ինչ-որ չափով նման է THAAD-ին, բայց կան մի քանի տարբերություններ»,- եզրափակել է նա։
Հիշեցնենք, որ նոյեմբերի 21-ին Ռուսաստանի Դաշնությունն առաջին անգամ միջմայրցամաքային բալիստիկ հրթիռ է արձակել Դնեպրի երկայնքով։ Ըստ գնահատականների ռուսները ներկայումս կարող են ունենալ մինչև 10 «Օրեշնիկ» հրթիռ։
Defense Express ռազմա-վերլուծական պորտալի խմբագիր Օլեգ Կատկովը կարծում է, որ թեև Patriot հրթիռային համակարգերը նախատեսված չեն նման հրթիռներ խոցելու համար, բայց Ուկրաինան կարող է փորձել դա անել։
Միաժամանակ, ավիացիոն փորձագետ Վալերի Ռոմանենկոն վստահեցրել է, որ Ռուսաստանին դժվար թե կարողանա իր նոր «Օրեշնիկ» բալիստիկ հրթիռների զանգվածային արտադրություն հիմնել։
Ավիացիոն փորձագետ Բոգդան Դոլինցեն ասել է, որ ինքը Ռուսաստանը բալիստիկ հրթիռներին հակազդելու մի քանի համակարգեր ունի։ «Առաջին հերթին S-500 հակահրթիռային համակարգը, մինչ այժմ մենք չենք տեսել դրա ակտիվ կիրառումը, սակայն, սկզբունքորեն, տեսել ենք խորհրդային ն S-300 և արդեն արդիականացված ռուսական S-400 համակարգերը, որոնք նախատեսված են թևավոր և բալիստիկ հրթիռներին դիմակայելու համար»,- պարզաբանել է նա: Փորձագետը նաև նշել է, որ այդ համակարգերը լավ չեն գործել թևավոր հրթիռների և անօդաչու սարքերի դեմ պայքարում։
Նյութը հրապարակման պատրաստեց Կամո Խաչիկյանը
