Պետդումայում գնահատել են Փաշինյանի հայերի հակապետական ենթագիտակցության մասին հայտարարությունը. «Պատմական դավաճանություն»
ՔԱՂԱՔԱԿԱՆՈՒԹՅՈՒՆ
Հայ հասարակության հավաքական ենթագիտակցությունը «հակապետական» է, քանի որ ավելի քան վեց հարյուր տարի հայերն ապրել են դրսից իրեն պարտադրված օտար երկրներում, հայտարարել է ՀՀ վարչապետ Նիկոլ Փաշինյանը։ Ըստ նրա դրանով է բացատրվում հայ ժողովրդի պետությունից ազատվելու ցանկությունը, չնայած իրենք են ստեղծել այդ պետությունը։
Փաշինյանն անհարգալից վերաբերմունք է ցուցաբերում Հայաստանի պատմության և սեփական ժողովրդի նկատմամբ: Այդպես է քաղաքական գործչի հայտարարությունը մեկնաբանել ՌԴ Պետդումայի միջազգային հարաբերությունների հանձնաժողովի նախագահի առաջին տեղակալ Ալեքսեյ Չեպան absatz.media-ի հետ զրույցում:
«Դա ազգայնականության դրսևորում է սեփական ժողովրդի նկատմամբ: Դա անհարգալից վերաբերմունք է հայ հասարակության, Հայաստանի պատմության, նրա անցյալի նկատմամբ։ Փաշինյանի հռետորաբանությունը կարող է վկայել այն մասին, որ այսօրվա Երևանի ի նպաստ Արևմուտքի շահերի վարած քաղաքականությունից դժգոհությունը, անցյալի ոչնչացման փորձերը և շատ առումներով պատմական դավաճանությունը ժողովրդի մոտ մեծ դիմադրություն է առաջացնում։ Փաշինյանն այս կերպ փորձում է օրինականացնել իր հակապետական որոշումները»,- ասել է Չեպան։
Նյութը հրապարակման պատրաստեց Կամո Խաչիկյանը
