Շղթայական ավտովթար Երևանում. ԱՄՆ դեսպանատան մոտ բախվել են 2 Mercedes-ներ, Nissan-ը և Mitsubishi-ն. ՖՈՏՈՌԵՊՈՐՏԱԺ

Այսօր` հունիսի 30-ին, շղթայական ավտովթար է տեղի ունեցել Երևանում: Ժամը 09:00-ի սահմաններում Ծովակալ Իսակովի պողոտայում` «VIANOR» բենզալցակայանի մոտ, բախվել են Mercedes մակնիշի 77 ZC 771 համարանիշի, Nissan մակնիշի 20 SO 390 համարանիշի, Mercedes մակնիշի 90 VA 707 համարանիշի և Mitsubishi մակնիշի 31 SO 463 համարանիշի ավտոմեքենաները:

Ինչպես հայտնում է ֆոտոլրագրող Գագիկ Շամշյանը, վթարի հետևանքով բարեբախտաբար զոհեր և վիրավորներ չկան:

Օպերատիվորեն ժամանել են ապահովագրական ընկերությունների ներկայացուցիչները:

Փաստի առթիվ ճանապարհային ոստիկանության 1-ին սպայական գումարտակի սպայական ջոկի տեսուչ Դավիթ Գևորգյանի կողմից նյութեր են նախապատրաստվում:

Ոստիկանությունը պարզում է վարորդների ինքնությունը:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները՝ Սմբատ Պետրոսյանի