Լյուբով Ուսպենսկայայի անհետացած դուստրը վերադարձել է մոր մոտ

Երգչուհի Լյուբով Ուսպենսկայայի անհետացած դուստրը՝ Տատյանա Պլաքսինան, իսկապես վերադարձել է տուն։ Այս մասին «Аргументы и Факты»-ի հետ զրույցում ասել է արտիստի մամուլի քարտուղար Ալեքսանդր Իվանենկոն։

«Տատյանան վերադարձել է տուն։ Երեկ նրանց հյուր էի գնացել, տանն ամեն ինչ լավ է»,- նշել է նա։

Պլաքսինայի անհետացման մասին հայտնի էր դարձել հոկտեմբերի սկզբին։ Աղջկան գտել էին Իսրայելում, նա հեռակա կարգով շփվել էր լրագրողների հետ ու քննադատել մորը։