Կրիպտոարժույթների շուկայական կապիտալիզացիան պատմության մեջ առաջին անգամ հասել է 3 տրիլիոն դոլարի
ՏՆՏԵՍՈՒԹՅՈՒՆ
Կրիպտոարժույթների ամբողջ շուկայի շուկայական կապիտալիզացիան պատմության մեջ առաջին անգամ հասել է 3 տրիլիոն դոլարի. kommersant.ru-ի փոխանցմամբ՝ այս են վկայում Coinmarketcap-ի տվյալները:
Միևնույն ժամանակ, ըստ CoinGecko-ի, որը հետևում է ավելի քան 15,000 կրիպտոարժույթների, կրիպտոարժույթների ընդհանուր շուկայական կապիտալիզացիան այսօր արդեն հասել է 3,14 տրիլիոն դոլարի:
Կրիպտոարժույթները թանկանում են նոյեմբերի 5-ին ԱՄՆ նախագահական ընտրություններում Դոնալդ Թրամփի հաղթանակից հետո։ Նախընտրական քարոզարշավի ընթացքում հանրապետականը բազմիցս հայտարարել է կրիպտոարժույթների ոլորտին աջակցելու իր մտադրության մասին։
Գների նման աճն առաջին հերթին ապահովում է կապիտալի ներհոսք դեպի կրիպտոարժույթի փոխանակման ֆոնդեր:
Ամենահայտնի կրիպտոարժույթի՝ բիթքոինի գինն այս գիշեր գերազանցել է 89 հազար դոլարը:Մեկ շաբաթվա ընթացքում մետաղադրամը թանկացել է գրեթե 30%-ով:
