Հայաստանի համար փոփոխություններ են կանխատեսել Թրամփի վերընտրությունից հետո
ՔԱՂԱՔԱԿԱՆՈՒԹՅՈՒՆ
ԱՄՆ նախագահական ընտրություններում հաղթող Դոնալդ Թրամփի նախընտրական արշավի հայտարարությունները կտրուկ տարբերվում են Ամերիկայի ներկայիս առաջնորդ Ջո Բայդենի քաղաքականությունից, news.ru-ի հետ զրույցում ասել է Հայաստանի Դեմոկրատական կուսակցության նախագահ Արամ Սարգսյանը։ Նրա խոսքով, նոր նախագահը ճշգրտումներ կանի Հայաստանում իր ազդեցության հարցում։ Միաժամանակ քաղաքական գործիչը նշել է, որ հանրապետության կյանքին արևմտյան երկրների լուրջ մասնակցության քաղաքականությունը կմնա։ «Հայաստանում ԱՄՆ դեսպանատան գործունեությունը միշտ է եղել աննախադեպ։ Հանրապետությունն ունի ամերիկյան ամենամեծ առաքելությունը և այն, ըստ երևույթին, լավագույնս հագեցած է: Ակնհայտ է, որ մինչև Թրամփի երդմնակալությունն ԱՄՆ ազդեցությունը հանրապետությունում մնալու է շատ լուրջ։ Բայց հարկ է նշել, որ հետո թեև կարող են կատարվել որոշակի ճշգրտումներ, սակայն կշարունակվի արևմտյան երկրների հանրապետության կյանքում լուրջ մասնակցության ունենալը»,- ասել է Սարգսյանը։
Նա ափսոսանքով նշել է, որ ներկայումս շատ բան է կորել Ռուսաստանի հետ հարաբերություններում։ Սակայն, ըստ նրա, ռուս և հայ ժողովուրդների կապը շատ խորն է։ «Իհարկե, իշխանությունների կողմից այդ ուղղությամբ խրախուսանք չկա։ Բայց հասարակությունն ինքը շարունակում է հոգևոր կապ զգալ Ռուսաստանի հետ»,- եզրափակել է քաղաքագետը։
Ավելի վաղ ՌԴ Արտաքին հետախուզական ծառայությունը հայտնել էր, որ ԱՄՆ-ը փորձում է ստիպել Հայաստանին ընտրել զարգացման արևմտամետ ուղի։ Հանրապետության այդ «ազգային ինքնասպանության» համար Վաշինգտոնն օգտագործում է ուկրաինական սցենարը։ Արտաքին հետախուզության ծառայությունը պարզաբանել է, որ Միացյալ Նահանգները ցանկանում է ստիպել հայ ժողովրդին հրաժարվել սեփական ավանդույթներից և ազգային սոցիալական հիմքերից։
ՌԴ նախագահ Վլադիմիր Պուտինն էլ ավելի վաղ հայտարարել էր, որ Ռուսաստանը կշարունակի անել ամեն ինչ Հայաստանի և Ադրբեջանի միջև հարաբերությունները կարգավորելու համար։ Մասնավորապես, ինչպես պարզաբանել է պետության ղեկավարը, Մոսկվան կաջակցի խաղաղության պայմանագրի, պետական սահմանի սահմանազատման և տնտեսական ու տրանսպորտային կապերի ապաշրջափակման աշխատանքներին։
Նյութը հրապարակման պատրաստեց Կամո Խաչիկյանը
