«Մաշկը պլոկված է եղել, գլուխը՝ դեֆորմացված». Գյումրիում նորածինը մահացած է ծնվել

MAMUL.am-ը գրում է.

«Գյումրու ծննդատուն» ՓԲԸ ծննդատան տնօրեն Վարդան Սարգսյանը MAMUL.am-ի թղթակցի հետ զրույցում տեղեկացրեց, որ այսօր առավոտյան երիտասարդ ծննդկանի նորածինը մահացած է լույս աշխարհ եկել: «Շատ ցանկալի հղիություն էր, ընտանիքի առաջնեկն էր լինելու, բայց, ափսոս, մահացած է ծնվել և արատով: Մաշկը պլոկված է եղել, գլուխը՝ դեֆորմացված, սարսափազդու ֆիլմի նման մի բան էր, մենք դեռ շոկի մեջ ենք, ուշքի չենք կարողանում գալ»,- ասաց Սարգսյանը` հավելելով, որ հարազատները ծննդկանին դեռևս տեղյակ չեն պահել դեպքի մասին:

Բժիշկը տեղեկացրեց, որ արատի հիմնական պատճառն, ըստ երևույթին, ներարգանադյաին ինֆեկցիան է եղել։ «Հղիության ընթացքում ինֆեկցիոն հիվանդություններով է վարակվել, հավանաբար ներարգանդային խնդիրներ են առաջացել: Դա մի այնպիսի արատ է, որ նախապես չի երևացել»,- ասաց ծննդատան տնօրենը` հավելելով, որ ծննդկանը համապատասխան ստուգումներն անցել է և որևէ արտառոց բան այդ ժամանակ չի գրանցվել: