Դոմոդեդովոյում ՀՀ քաղաքացի է ձերբակալվել

Մոսկվայի Դոմոդեդովոյի օդանավակայանում ձերբակալվել է ՀՀ քաղաքացի Արմեն Բալյանը՝ Ուկրաինայի զինված ուժերի կողմից ռուս-ուկրաինական ճակատում ռուսների դեմ կռվելու համար։ Հարուցվել է քրեական գործ։ Այս մասին հայտնում է ՌԴ Քննչական կոմիտեի մամուլի ծառայությունը։ Բալյանը ձերբակալվել է ՌԴ տարածք մուտք գործելու փորձ կատարելիս։

Հարցաքննության ժամանակ Բալյանն ընդունել է մեղքը իրեն մեղսագրվող հանցագործությունների մասով եւ սպառիչ ցուցմունքներ է տվել, հաստատելով ավելի վաղ քննության կողմից պարզված փաստերն այն մասին, որ զինված հակամարտությունում եղել է վարձկան զինյալ։ Համաձայն քննության, 22 թվականի նոյեմբերին ՀՀ քաղաքացի Արմեն Բալյանը մոլդովական սահմանով մուտք է գործել Ուկրաինա, որտեղ տարածքային պաշտպանական ուժերի կազմում մինչեւ 23 թվականի դեկտեմբերը դրամական հատուցման դիմաց մասնակցել է մարտական գործողությունների Դոնեցկի եւ Լուգանսկի ժողհանրապետություններում, ինչպես նաեւ՝ Խերսոնի մարզում։ Բալյանի հանդեպ 24 թվականի օգոստոսին հեռակա մեղադրանք էր ներկայացվել եւ հայտարարվել հետախուզում։ Բալյանը կալանավորված է։ Նա ունի միայն ՀՀ քաղաքացիություն։