Պայքարի քաղաքական լուծումն է՝ հեռացնել այսպես կոչված իշխանությանը․ Բագրատ Սրբազան

«Սա մեզ համար ազգային ազատագրական պայքար է՝ այսպես կոչված իշխանություններից ազատագրվելու»,- հայտարարել է Սրբազան պայքարն առաջնորդող Բագրատ արքեպիսկոպոս Գալստանյանը՝ իր վերջին հարցազրույցում, որն այսօր է հեռարձակվել։

Բագրատ Սրբազանը հավելել է՝ պայքարը քաղաքական լուծում ունի։

«Քաղաքական լուծումներ կան, դրանց մասին խոսվել է։ Տարբերակը, որպես այդպիսին, մեկն է՝ հեռացնել այս մարդկանց։ Ահա, քաղաքական լուծում եմ ասում։ Եվ այդ ճանապարհի մեջ մենք հաստատ համոզումով առաջ ենք գնում»,- ասել է նա։

Բագրատ Սրբազանը վերահաստատել է՝ հանձնառու են շարունակել պայքարի՝ իրենց ստանձնած պատասխանատվությունը։

«Մեր հանձնառությունը շատ հստակ է, պատասխանատվությունն էլ՝ շատ հստակ․ սա վերաբերում է ամբողջ Հայաստանին, մեր ժողովրդին, մեր ազգին, մեր պատմությանը, մեր գալիքին։ Մենք հանձն ենք առել, այդ պատասխանատվությունը ստանձնել ենք՝ կասեցնել այս շարունակական աղետը»,- ասել է նա։

Բագրատ Սրբազանը շեշտել է նաև՝ պայքարը շարունակվում է, հասնելու են ցանկալի վերջնարդյունքին։