Հայաստանն ու Ռուսաստանը ստորագրելով ճանապարհային քարտեզ ամրապնդում են գիտական համագործակցությունը
ՔԱՂԱՔԱԿԱՆՈՒԹՅՈՒՆ
Հայաստանի Գիտությունների ազգային ակադեմիան և Ռուսաստանի գիտությունների ակադեմիայի Սանկտ Պետերբուրգի մասնաճյուղը ստորագրել են համագործակցության ճանապարհային քարտեզ, որն ընդգրկում է առանցքային գիտական ոլորտները, գրում է sng.today-ը։
Փաստաթղթի շրջանակներում կողմերը պայմանավորվել են փոխգործակցության մասին բիոինժեներիայի, ագրոկենսատեխնոլոգիայի, բժշկության, սոցիալական, հումանիտար, տնտեսական գիտությունների, ինչպես նաև ֆիզիկական, մաթեմատիկական և կիրառական գիտությունների ոլորտներում:
Համաձայնագիրը ստորագրել են Հայաստանի ԳԱԱ նախագահ Աշոտ Սաղյանը և ՌԴ ԳԱ Սանկտ Պետերբուրգի մասնաճյուղի նախագահ Անդրեյ Ռուդսկոյը։ Սաղյանը նշել է ռուսական գիտության կարևոր դերը հայկական գիտահետազոտական հաստատությունների զարգացման գործում ընդգծելով, որ համագործակցությունն այդ ոլորտում ակտիվորեն զարգանում է։
Հայաստանում Ռուսաստանի դեսպան Սերգեյ Կոպիրկինն ընդգծել է երկու երկրների գիտակրթական համայնքների փոխգործակցության կարևորությունը։ Ռուսաստանի ավելի քան 25 առաջատար գիտական հաստատություններ և Հայաստանի Գիտությունների ազգային ակադեմիայի ավելի քան 30 ինստիտուտներ համատեղ կաշխատեն պատվաստանյութերի, դեղամիջոցների և նոր տեխնոլոգիաների մշակման ուղղությամբ։
Բացի այդ, Պետերբուրգի Պետրոս Մեծի անվան պոլիտեխնիկական համալսարանի և Հայաստանի գիտությունների ազգային ակադեմիայի միջև ստորագրվել է պայմանագիր ուղղված գիտական կապերի հետագա զարգացմանն ու երիտասարդ մասնագետների փոխանակմանը։
Նյութը հրապարակման պատրաստեց Կամո Խաչիկյանը
