«Նոան» զիջեց «Ռապիդ»-ին

Ֆուտբոլի Կոնֆերենցիաների լիգայի երկրորդ տուրում Հայաստանի փոխչեմպիոն Երևանի «Նոան» Վիեննայում հյուրընկալվեց ավստրիական «Ռապիդին» և պարտություն կրեց 0:1 հաշվով։

Դաշտի տերերից միակ գոլը 31-րդ րոպեին խփեց 22-ամյա խորվաթ հարձակվող Դիոն Բելյոն։

Առաջին տուրում «Նոան» տանը 2:0 հաշվով հաղթել էր չեխական «Մլադա Բոլեսլավին», «Ռապիդը» Թուրքիայում 2:1 հաշվով պարտության էր մատնել Ստամբուլի «Բաշակշեհիրին»։