Ալեն Սիմոնյանը Թուրքիայի մեջլիսի նախագահին մանրամասներ է ներկայացրել «Խաղաղության պայմանագրի» շուրջ բանակցություններից
ՔԱՂԱՔԱԿԱՆՈՒԹՅՈՒՆ
ԱԺ մամուլի ծառայությունը հաղորդագրություն է տարածել Ալեն Սիմոնյանի և Թուրքիայի մեջլիսի նախագահ Նուման Քուրթուլմուշի հանդիպման մասին՝ նշելով հետևյալը․
«Ժնեւում հոկտեմբերի 14-ին տեղի է ունեցել ՀՀ ԱԺ նախագահ Ալեն Սիմոնյանի եւ Թուրքիայի Ազգային մեծ ժողովի նախագահ Նուման Քուրթուլմուշի հանդիպումը, որի ժամանակ կողմերը քննարկել են հայ-թուրքական հարաբերությունների կարգավորմանը վերաբերող հարցերի լայն շրջանակ:
ՀՀ ԱԺ նախագահը թուրքական կողմին է ներկայացրել Հայաստանի եւ Ադրբեջանի միջեւ խաղաղության պայմանագրի շուրջ բանակցությունների գործընթացում վերջին զարգացումները եւ վերահաստատել հայկական կողմի պատրաստակամությունը խաղաղության հաստատման գործընթացին: Ալեն Սիմոնյանը թուրք գործընկերոջն է ներկայացրել նաեւ Հայաստանի կառավարության նախաձեռնած «Խաղաղության խաչմերուկ» նախագիծը:
Կողմերը հանդիպման ավարտին ձեռք են բերել շփումները շարունակելու պայմանավորվածություն»:
