Եվրախորհրդարանի գլխադասային հանձնաժողովը հաստատել է Կիևին 35 մլրդ եվրոյի վարկ տրամադրելու մեխանիզմը

Եվրախորհրդարանի Միջազգային առևտրի հանձնաժողովը հաստատել է Կիևին 35 միլիարդ եվրոյի չափով վարկ տրամադրելու մեխանիզմը, ըստ որի, դրա մարումը կիրականացվի ռուսական ակտիվներից ստացված եկամուտների միջոցով։

Այս մասին հայտնում է ՏԱՍՍ-ը՝ հղում անելով Եվրախորհրդարանի մամուլի ծառայությանը:

Հանձնաժողովի ղեկավարի տեղակալ Բերտ Լանը հայտարարել է, որ  որոշման նախագիծն ընդունվել է ձայների մեծամասնությամբ՝ առանց ուղղումների։

Այժմ փաստաթուղթը պետք է հաստատվի Եվրախորհրդարանի նստաշրջանում, որից հետո այն պետք է հաստատի ԵՄ խորհուրդը։