Քաղաքագետը բացատրել է Փաշինյանի պահվածքը Մոսկվայում. «Դա էկզոտիկա է»
ՔԱՂԱՔԱԿԱՆՈՒԹՅՈՒՆ
Հայաստանի վարչապետ Նիկոլ Փաշինյանը Մոսկվայում հեծանվային զբոսանք է կազմակերպել միայն ուշադրություն գրավելու նպատակով։ Այդ մասին info24.ru-ի հետ զրույցում ասել է Մերձավոր Արևելք-Կովկաս հետազոտական կենտրոնի տնօրեն Ստանիսլավ Տարասովը։ Փորձագետը Փաշինյանին համեմատել է ԱՄՆ նախկին նախագահ Բիլ Քլինթոնի հետ։
«Դա, այսպես ասած, էկզոտիկա է: Գիտեք, հենց այդպես էլ վարվեց Քլինթոնը, երբ եկավ Մոսկվա, վազք էր անում և դրանով ուշադրություն գրավում։ Եվ բոլորը դրան ուշադրություն դարձրեցին»,- պարզաբանել է քաղաքագետը։
Հիշեցնենք, որ ավելի վաղ հայ քաղաքական գործիչը տեսանյութ էր հրապարակել, որտեղ երևում է, որ նա հեծանիվ է քշում Մոսկվայի կենտրոնում գտնվող ամբարտակի երկայնքով։
Նյութը հրապարակման պատրաստեց Կամո Խաչիկյանը
