Ռուսաստանը չի խառնվում Հայաստանի և Ադրբեջանի գործերին․ Պեսկով

Ռուսաստանը չի խառնվում Հայաստանի և Ադրբեջանի գործերին։ Ասել է ՌԴ նախագահի մամուլի խոսնակ Դմիտրի Պեսկովը՝ պատասխանելով «Իզվեստիա»-ի թղթակցի հարցին։

Նա նշել է, որ ԱՊՀ ձևաչափի համաձայն՝ երկրների ղեկավարները միշտ նստում են մի սեղանի շուրջ, բայց դա չի նշանակում Մոսկվայի մասնակցություն Բաքվի և Երևանի գործերին։

«Նրանք այսպես թե այնպես շարունակում են իրենց երկխոսությունը ԱՊՀ շրջանակներում։ Բայց մնացածը՝ երկկողմ հարաբերությունները, այլեւս մերը չեն, դա նրանց ինքնիշխան իրավասությունն է»,- ասել է Պեսկովը։